Һеҙҙе ихлас күңелдән Бөйөк Ватан һуғышында Еңеүҙең 79 йыллығы менән ҡотлайым! 9 Май – илебеҙҙә иң бөйөк, иң әһәмиәтле байрамдарҙың береһе. Был көндө һәр кем Бөйөк Ватан һуғышында Тыуған илебеҙ тыныслығы, беҙҙең яҡты киләсәгебеҙ өсөн ҡан ҡойған батырҙарын ҙур хөрмәт менән иҫкә ала.
Был байрамда беҙ илебеҙ азатлығын һәм бойондороҡһоҙлоғон һаҡлап ҡалыусыларҙы, донъяны нацизмдан ҡотҡарыусыларҙы тәбрикләйбеҙ. Бөгөн Рәсәйҙең батыр улдары, ата-бабаларыбыҙҙың хәрби данына тоғро ысын патриоттар йәнә ил һағына баҫты. Махсус хәрби операция зонаһында булған беҙҙең һаҡсыларыбыҙға аяҙ күк йөҙө аҫтында тыныс йәшәгәнебеҙ өсөн сикһеҙ рәхмәт һүҙҙәрен еткерәбеҙ. Һеҙгә ныҡлы һаулыҡ, именлек, күңел көрлөгө һәм яҡты киләсәк теләйбеҙ!
“Ҡаланы йыйыштырыу буйынса махсус автохужалыҡ” муниципаль унитар предприятиеһы
директоры А.М. Латыпов.
